اسلام آباد (آئی این پی) بھارت میں سابق پاکستانی ہائی کمشنر عبدالباسط نے کہا ہے کہ جنوبی ایشیاء کا بڑا ملک ہونے کے ناطے بھارت کو اپنی حکمت عملی پر نظر ثانی کی ضرورت ہے‘ افغانستان میں صورتحال کو مستقل بنیادوں پر بہتر بنانا ہوگا‘ پاکستان نے تمام ہمسائیوں سے تعلقات بہتر بنانے کی کوشش کی
ہے۔ منگل کو جنوبی ایشیاء میں سلامتی کی صورتحال اور سی پیک کی ترقی کے حوالے سے کانفرنس سے خطاب میں عبدالباسط نے کہا کہ افغانستان میں صورتحال کو مستقل بنیادوں پر بہتر بنانا ہوگا۔ پاکستان نے ہمیشہ تمام ہمسائیوں سے تعلقات بہتر بنانے کی کوشش کی ہے۔ جنوبی ایشیاء کا بڑا ملک ہونے کے
ناطے بھارت کو اپنی حکمت عملی پر نظر ثانی کی ضرورت ہے۔ اگر بھارت نے اپنی پالیسی پر نظر ثانی نہ کی تو یہ اس کی خود شکستگی کی بنیاد بنے گی۔
