مارسیلیا (این این آئی)فرانس کے شہر مارسیلیا میں ایک خاتون نے چار امریکی خواتین سیاحوں پر تیزاب پھینک کر ان کے چہرے جھلسا دئیے ہیں ٗ پولیس نے تیزاب پھینکنے والی خاتون کو گرفتار کر لیا ہے۔غیر ملکی میڈیا کے مطابق فرانسیسی شہر مارسیلیا کے سینٹ چارلس ریلوے سٹیشن پر 2خواتین کے چہرے تیزاب گردی کے
واقعہ میں بری طرح جھلس گئے ہیں جبکہ ایک خاتون کی آنکھ متاثر ہوئی ہے۔ پولیس ترجمان نے بتایا کہ چاروں خواتین کو ہسپتال داخل کرادیا گیا ہے اور ان خواتین کی عمریں 20سے26سالوں کے درمیان تھیں ۔ ترجمان نے اس واقعے کے حوالے سے مزید کچھ نہیں بتایا اور نہ ہی امریکی خواتین کے حوالے سے تفصیل بتائی گئی ۔
