صنعاء(این این آئی)یمن کے ایک عسکری ذریعے نے بتایا ہے کہہ عرب اتحادی فوج کے جنگی طیاروں کی میدی شہر کے جنوب اور جنوب مشرقی محاذوں پر بمباری کے نتیجے میں کم سے کم 20 حوثی باغی ہلاک ہوگئے ہیں۔عرب ٹی وی کے مطابق اتحادی طیاروں نے حوثی اورعلی صالح ملیشیا کے ٹھکانوں پر کم سے کم 8 فضائی حملے کیے جن میں باغیوں کی کئی گاڑیاں تباہ، 20 جنگجو ہلاک اور 10 زخمی ہوگئے۔ ذرائع کے

مطابق باغیوں کو لاشیں اور زخمی اٹھاتے دیکھا گیا ہے۔ادھر جنوب مشرقی میدی میں آئینی حکومت کی وفادار فوج اور باغیوں کے درمیان گھمسان کی لڑائی کی اطلاعات ہیں تاہم باغیوں کی طرف سے پیش قدمی کی کوششیں ناکام بنا دی گئی ہیں۔