لاہور (این این آئی ) مسلم لیگ (ن) کے مرکزی رہنما کیپٹن (ر) محمد صفدر نے کہاکہ پانامہ سے کچھ نہیں نکلا اس لیے اقامہ کا سہارا لینا پڑا ، اگرپانامہ سے کچھ نکلتا تو نواز شریف سے اٹک قلعے والا سلوک ہوتا ،قوم سوال کرتی ہے کروڑوں ووٹوں کا مینڈیٹ حاصل کرنے والے وزیراعظم کو کیوں نا اہل کیا گیا۔ ان خیالات کااظہارانہوں نے چوبرجی میں پختون فلاحی تنظیم کی طرف سے منعقدہ تقریب سے خطاب کرتے ہوئے کیا

جنہوں نے این اے 120کے ضمنی انتخاب مین (ن) لیگ کی حمایت کا اعلان کیا ۔کیپٹن (ر) صفدر نے کہاکہ آپ سب جانتے ہیں کہ کروڑوں ووٹ کے مینڈیٹ حاصل کرنے والے وزیراعظم کو اتار اگیاا ہے ان کو پتا ہے کہ نواز شریف کو تو 99میں کوئی نہیں روک سکا تھا جب وہ مشرف کی قید میں تھاتو اب انہیں کیسے روکا جا سکتا ہے ۔انہوں نے کہا کہ نواز شریف نے پاکستان کو ایٹمی قوت بنایا ہے اور کارگل کا بوجھ اپنے کندھوں پر اٹھایا ۔انہوں نے کہاکہ این اے 120سے مسلم لیگ (ن) ہی کامیابی حاصل کرے گی ۔