تمام کھلاڑیوں کے ناموں کا اعلان کیا جاچکا ، کھلاڑی بنگلہ دیش کیخلاف سیریز کیلئے تیرہ اپریل کو ڈھاکہ پہنچیں گے
اسلام آباد ( نیوزڈیسک ) دورہ بنگلہ دیش کے لئے قومی کرکٹ ٹیم کا تربیتی کیمپ کل سے لاہور میں لگے گا۔ بنگلہ دیش کے خلاف تین ون ڈے’ واحد ٹی ٹونٹی اور دو ٹیسٹ میچز کی سیریز کےلئے کھلاڑیوں کے ناموں کا اعلان ہوچکا ہے اور آج تمام کرکٹرز منیجر نوید اکرم چیمہ کو رپورٹ کریں گے۔ دورہ بنگلہ دیش کے لئے کھلاڑیوں کا مختصر کیمپ لگایا جائے گا جس میں کھلاڑی ہیڈ کوچ وقار یونس کے زیر نگرانی ٹریننگ کریں گے۔ قومی ٹیم بنگلہ دیش کے خلاف سیریز کے لیے تیرہ اپریل کو ڈھاکہ پہنچے گی۔