اسلام آباد(مانیٹرنگ ڈیسک) سیکریٹری سپریم کورٹ بار آفتاب باجوہ ایڈووکیٹ نے انکشاف کیا ہے کہ ایف بی آر کا ایک اور بڑا اسکینڈل سامنے آنے والا ہے، اسکینڈل میں کھربوں کی کرپشن کی گئی ہے۔ان خیالات کااظہار انہوں نےنجی ٹی وی چینل کے پروگرام میں میزبان عارف بھٹی سے گفتگو کرتے ہوئے کیا، آفتاب باجوہ ایڈووکیٹ نے کہا کہ ملتان میٹرو اسکینڈل میں 17 ملین ڈالرچین منتقل ہوئے۔ملتان میٹرو اسکینڈل

پچاس ملین ڈالر سے بھی بڑا ہے، چینی کمپنی نے ہی لاہوراور راولپنڈی میٹرو بھی بنائی ہے، چین کی سیکیورٹی ایکسچینج کمپنی پاکستان میں موجود ہے۔ شہبازشریف کی جانب سے پریس کانفرنس میں کی جانے والی وضاحتیں اقرار جرم ہیں، وہ صوبے کے وزیراعلیٰ ہیں اور وہ ہی اس کے ذمہ دار ہیں اور ان ہی کےحکم پر یہ سب ہو رہا ہے۔وزیر اعلیٰ میٹرو بس کرپشن سکینڈل میں بری طرح پھنس چکے ہیں۔