ساہیوال (آن لائن) امریکی قو نصل خانہ کے تین افسروں کو ہائی سیکورٹی جیل ساہیوال میں قید پانچ امریکیوں سے ملاقات کی اجازت نہ مل سکی جس کے بعد تینوں امریکی افسر واپس چلے گئے ، ہائی سیکورٹی جیل کے سپرنٹنڈنٹ نے وزارت داخلہ کا اجازت نامہ طلب کیا تھا ، امریکی کونسل کے افسروں نے کہا کہ وہ پہلے بھی بغیر اجازت نامے کے ملاقات کرتے رہے ہیں جس کے بعد انہیں بتایا گیا کہ حکومت کی طرف سے امریکی
پالیسی میں تبدیلی کے بعد اب ہائی سیکورٹی جیل میں قید پانچ امریکیوں کی ملاقات وزارت داخلہ کی اجاز ت سے مشروط ہے ۔ امریکی قو نصل خانہ کے ان افسروں میں قونصلیٹ افسر ، اسسٹنٹ قونصلیٹ آصف محمود،اسسٹنٹ قونصلیٹ محمد ایازشامل ہیں جن امریکی قیدیوں سے وہ ملاقات کرنا چاہتے تھے ان میں احمد منو ، رامے ایس ضمان ، عمر فاروق چوہدری ، میاں حسین یونس ،اور قار حسین خاں شامل ہیں ۔جب امریکیوں کے افسروں کو ملاقات کی اجازت نہ ملی تو وہ واپس چلے گئے۔