اسلام آباد(مانیٹرنگ ڈیسک)مقبوضہ کشمیرمیں بھارتی مظالم اور اس کے مکروہ چہرے کو بے نقاب کرنیوالی کشمیری مسلمانوں کی نمائندہ ویب سائٹ’’کشمیر میڈیا سروس‘‘کو بھارتی ہیکرز نے ہیک کر لیا ، پاکستان، چین اور کشمیری قیادت سے متعلق نامناسب مضامین اور بھارتی مواد نشر کردیا۔ تفصیلات کے مطابق مقبوضہ کشمیر میںکشمیری مسلمانوں پر بھارتی مظالم اور بھارت کے مکروہ چہرے کو بے نقاب کرنے اور مسئلہ کشمیر کو اجاگر کرنے والی خبروں کی آزاد اور غیرجانبدار ویب سائٹ کشمیر میڈیا سروس کو بھارتی ہیکرز
نے ہیک کرکے اس پر پاکستان، چین اور کشمیری قیادت سے متعلق نامناسب مضامین اور بھارتی مواد نشر کردیا ہے۔رتی ہیکرز نے کشمیریوں پر مظالم کو دنیا کے سامنے لانے اور بھارت کا اصل مکروہ چہرہ بے نقاب کرنے پر کشمیر میڈیا سروس کی ویب سائٹ پر مغلظات اور زہر بھی اگلا۔ واضح رہے کہ اس سے قبل بھی بھارتی ہیکرز متعدد پاکستانی ویب سائٹ پر حملے کر کے انہیں ہیک کر چکے ہیں جبکہ پاکستانی ویب سائٹس پر بھارتی ہیکرز کی جانب سے حملوں کی منظم مہم کافی عرصے سے چلائی جا رہی ہے ۔
