اسلام آباد(مانیٹرنگ ڈیسک)خیبرپختونخواہ حکومت کے کرپشن فری ہونے کے دعوے بچوں نے آنسوئوں سے دھو کر صوبے میں ہونیوالی کرپشن دنیا کو دکھا دی۔ تفصیلات کے مطابق پشاور کے ایک یتیم بچوں کے سکول زمنگ کور ماڈل سکول کے ڈائریکٹر میجر حارث نے

سکول کے چیئرمین کی کرپشن کے خلاف جب احتجاجاََ استعفیٰ دیا تو اس وقت یتیم بچے ان سے لپٹ گئے اور دھاڑیں مار مار کر روتے رہے۔ میجر حارث نے استعفیٰ دینے اور سکول چھوڑ کر جان ے قبل سکول کے طلبا اور اساتذہ سے گفتگو کرتے ہوئے کہا کہ اگر سکول کے چیریٹی فنڈز میں سے 20لاکھ کی کرپشن کی جائے تو اس کا مطلب ہے کہ آپ نہ صرف طلبہ کا حق مار رہے ہیں بلکہ ان کے مستقبل کے ساتھ بھی کھیل رہے ہیں۔ اس موقع پر سکول کے یتیم طلبہ کی جانب سے انتہائی رقت آمیز مناظر دیکھنے کو ملے جس نے ہر آنکھ کو نم کر دیا۔ واضح رہے کہ خیبرپختونخواہ حکومت کی جانب سے یتیم اور بے سہارا بچوں کیلئے زمنگ کور کے نام سے ماڈل سکول کھولا گیا تھا جو کہ چیریٹی فنڈز سے چلتا تھا ۔ جب یہ سکول کھولا جا رہا تھا تو اس سکول کے بارے میں بات کرتے ہوئے چیئرمین تحریک انصاف عمران خان نے کہا تھا کہ اس سکول کا آئیڈیا اس وقت ان کی اہلیہ ریحام خان کا ہے جو کہ یقیناََ قابل تعریف ہے۔میجر حارث کے سکول چھوڑتے وقت یتیم طلبہ کی جانب سے اپنے استاد سے محبت اور عقیدت کا منظر ویڈیو میں ملاحظہ کریں!