اسلام آباد(این این آئی)الیکشن کمیشن نے تحریک انصاف کو آخری موقع دیتے ہوئے حکم دیا ہے کہ وہ اپنی پارٹی فنڈنگ کی تفصیلات 7 ستمبر تک جمع کرادے بصورت دیگر قانون کے مطابق فیصلہ سنا دیا جائیگا۔میڈیارپورٹ کے مطابق الیکشن کمیشن نے تحریک انصاف سے پارٹی فنڈز طلب کرنے کا تفصیلی فیصلہ جاری کردیا ہے جس میں کہا گیا ہے کہ الیکشن کمیشن میں پارٹی فنڈنگ سے متعلق کیس 2014 سے زیر سماعت ہے
اور سپریم کورٹ کی جانب سے بھی کیس میں فریق ہونے پر کارروائی روکنے کا کوئی حکم امتناعی نہیں ملا لہذا الیکشن کمیشن پارٹی فنڈنگ کی سماعت پر کارروائی نہیں روک سکتا۔فیصلے میں حکم دیا گیا کہ پی ٹی آئی یکم اپریل 2015 اور یکم دسمبر 2016 کے حکم نامے کے تحت 7 ستمبر تک اکاؤنٹس اور فنڈز کی تفصیلات فراہم کرے اور اگر حکم پر عملدرآمد نہ کیا گیا تو الیکشن کمیشن قانون کے مطابق فیصلہ سنادے گا۔
