اسلام آباد (نیوز ڈیسک) ارفع کریم ٹاور میں بم دھماکے کا ہدف وزیراعلیٰ پنجاب محمد شہبازشریف تھے، اس امر کا انکشاف ڈی جی آئی ایس پی آر کی نیوز کانفرنس میں کیا گیا۔ نیوز کانفرنس میں بتایا گیا کہ رینجرز پنجاب میں خفیہ اطلاعات پر 1728 آپریشنز کر چکے ہیں جس کے دوران وزیراعلیٰ پنجاب پر ارفع کریم ٹاور میں حملے کی منصوبہ بندی کرنے والا
دہشتگرد بھی پکڑا گیا ہے۔ ارفع کریم ٹاور پر حملے کا اصل ہدف وزیراعلیٰ پنجاب تھے لیکن عین موقع پر وزیراعلیٰ کا دورہ ملتوی کر دیا گیا اور دہشت گردوں نے وزیراعلیٰ کا دورہ ملتوی ہونے کے بعد پولیس کو اپنا ٹارگٹ بنا لیا۔ نیوز کانفرنس کو بتایا گیا ہے کہ وزیراعلیٰ پر حملے کی منصوبہ بندی کرنے والا دہشت گرد بھی رینجرز کی کارروائیوں کے دوران پکڑا گیا ہے۔
