اسلام آباد (مانیٹرنگ ڈیسک) نواز شریف کی نا اہلی آئین اور قانون کے مطابق ہوئی ،جسٹس آصف سعید کھوسہ ،مسلم لیگ ن کی جانب سے سپریم کورٹ کے فیصلے پر عملدرآمد اچھا اقدام ہے۔ایک انگریزی روزنامے کے مطابق سپریم کورٹ کے جسٹس آصف سعید کھوسہ نے10 اگست کو کوئٹہ میں سپریم کورٹ بار ایسوسی ایشن کی ایک تقریب میں شرکت کی

جہاں انہوں نے ن لیگ کے پاناما فیصلے پر عملدرآمد کے اقدام کو سراہا۔ تقریب میں میڈیا کو دعوت نہیں دی گئی تھی اس لیے اس کی اندرونی کہانی ایک ہفتے کی تاخیر سے منظر عام پر آئی ہے۔ جسٹس آصف سعید کھوسہ کی جانب سے ن لیگ کے پاناما فیصلے پر عملدرآمد کے اقدام کو سراہے جانے کی تصدیق تین سینئر وکلا ،منیر کاکڑ ، کامران مرتضیٰ ، قلبی حسن نے بھی کی جو اس وقت تقریب میں ہی موجود تھے۔یاد رہے کہ جسٹس آصف سعید کھوسہ پانامہ کیس کا فیصلہ سنانے والے بنچ کا حصہ تھے۔