راولپنڈی(مانیٹرنگ ڈیسک)پی ایم ایل این کے مرکزی رہنما محمد حنیف عباسی نے ن لیگ چھوڑنے کی خبروں کے بعد ایک وڈیو بیان جاری کیا ہے۔ وڈیو بیان کے مطابق سابق وزیر اعظم نواز شریف نے جی ٹی روڈ ریلی کے حوالے سے حنیف عباسی کی سرزنش کی بجائے ان کی حوصلہ افزائی کی ہے ۔ حنیف عباسی کا کہنا تھا کہ میاں نواز شریف نے انہیں فون کیا اور کہا حنیف عباسی میں نے اپنی پوری زندگی میں اتنا فقید المثال استقبال نہیں دیکھا اور میں اتنے لوگوں
کو دیکھ کر باغ باغ ہو گیا ہوں۔ واضح رہے کہ قبل ازیں یہ کہا جا رہا تھا کہ راولپنڈی میں عوام کی کم تعداد پر سابق وزیراعظم نواز شریف نے حنیف عباسی پر شدید غصہ کیا جس پر ن لیگی رہنما دلبرداشتہ ہیںاور ن لیگ چھوڑ کر کسی دوسری سیاسی جماعت میں شمولیت اختیار کرنے جا رہے ہیں۔حنیف عباسی کا اس حوالے سے کہنا تھا کہ وہ نواز شریف کے ساتھ ہیں اور ساتھ ہی رہیں گے۔ نواز شریف کے فقید المثال استقبال پر میں (ن) لیگ کے کارکنوں کا شکر گزار ہوں۔
