اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر صحافی و تجزیہ نگار حامدمیر نے انکشاف کیا ہے کہ نواز شریف کے جی ٹی روڈ مارچ کا سب سے زیادہ فائدہ عمران خان کو پہنچا ہے اور وہ اس طرح کے مارچ کے دوران نواز شریف نے جتنی بھی تقریریں کی ہیںان کا ہدف زیادہ تر تو سپریم کورٹ کے 5 ججز رہے ہیں اور ساتھ ساتھ وہ عمران خان کا نام لئے بغیر ان پر بھی تنقید کرتے رہے ہیں۔ حامد میر نے کہا کہ میڈیا کے کچھ حلقوں نے ،

کچھ اخبارات نے اور کچھ چینلز نے نواز شریف کو کافی مظلوم بنا کر پیش کرنے کی کوشش کی۔ ان کی اس طرح کوریج کی گئی جس طرح واقعی نواز شریف انقلاب لے کر آ رہے ہیں۔ حامد میر نے کہا کہ پنجاب پولیس کے ٹرکوں میں کرسیاں اور تمبو لائے جا رہے تھے کہ کسی طرح جی ٹی روڈ مارچ کو کامیاب بنایا جائے ۔ بلدیہ کے اداروں کو کہا گیا کہ کسی طرح بندے اکٹھے کریں، یہاں تک کہ بھیک مانگنے والوں پیسے دے دے کر ریلی میں لایا گیا ہے۔