لاہور ( این این آئی) حضرت سید علی بن عثمان الہجویری المعروف حضرت داتا گنج بخشؒ کے مزار کو سکیورٹی خدشات کے باعث زائرین کے لئے بند کر دیا گیا ۔ تفصیلات کے مطابق گزشتہ روز سابق وزیر اعظم نواز شریف کی لاہور آمد کے موقع پر داتا دربار کے قریب اسٹیج تیار کیا گیا تھا ۔ جب نواز شریف کا قافلہ فیروز والا کے قریب پہنچا تو سکیورٹی حکام کی جانب سے سکیورٹی خدشات کے باعث داتا دربار کو زائرین کے لئے بند کر دیا گیا۔
سابق وزیر اعظم نواز شریف کی اہلیہ بیگم کلثوم نواز کی تصویریں بھی اسٹیج پر آوایزاں کی گئیں ۔ گزشتہ روز نواز شریف کی لاہور آمد کے موقع پر تیار کیے گئے اسٹیج پر بیگم کلثوم نواز کی تصویریں بھی آوایزاں تھیں ۔ لیکن وہ خود ریلی میں شریک نہیں تھیں ۔ یاد رہے کہ مسلم لیگ (ن) کی جانب سے قومی اسمبلی کے حلقہ این اے 120کے ضمنی انتخاب کے لئے بیگم کلثوام نواز کے کاغذات نامزدگی جمع کروائے گئے ہیں۔سابق وزیر اعظم نواز شریف کی لاہور آمد کے موقع پر استقبالیہ ریلی کی 500سے زائد کیمروں سے مانیٹرنگ کی گئی ۔
