لاہور( مانیٹرنگ ڈیسک )پولیس نے سابق وزیر اعظم نواز شریف کی لاہور آمد سے قبل داتا دربار کے باہر سے 3 مشکوک افراد کو حراست میں لے لیا ۔ پولیس سمیت دیگر قانون نافذ کرنے والے اداروں کی طرف سے سابق وزیر اعظم نواز شریف کی ریلی کی صورت میں لاہور آمد اور داتا دربار کے باہر خطاب کے موقع پر سکیورٹی کے انتہائی سخت انتظامات کئے گئے تھے اور اسی سلسلے میں ابھی 3مشکوک افراد کو گرفتار کیا گیا ہے جنہیں تفتیش کے بعد نا معلوم مقام پر منتقل کر دیا گیا ہے ۔

گرفتاریوں کے بعد لیگی ریلی میں ہلچل دیکھنے میں آرہی ہے ۔ دوسری جانب سابق وزیر اعظم محمد نواز شریف کی طرف سے اسلام آباد سے لاہور سفر کا اعلان کرنے پراراکین اسمبلی، رہنمائوں اور بلدیاتی نمائندوں کی طرف سے لاہور کی تمام شاہراہوں پر نواز شریف کی تصاویر والے ہورڈنگز اور خیر مقدمی نعروں پر مبنی بینرز اور فلیکسز لگا دئیے گئے تھے اور گزشتہ روزاپنی قیادت کی محبت میںمزید ہزاروں بینرز اور فلیکسز آویزاں کردئیے گئے ۔