اسلام آباد(مانیٹرنگ ڈیسک)نواز شریف کی تصویر پر سیاہی پھینکنے والا گرفتار، ن لیگی کارکنوں نے رنگے ہاتھوں پکڑ لیا، درگت بنانے کے بعد پولیس کے حوالے۔ تفصیلات کے مطابق ن لیگ کی محنتوں اور نواز شریف کی تصویر پر سیاہی پھینک کر انہیں مسخ کرنے والے نامعلوم افراد نے ن لیگ کو نہ صرف لاکھوں روپے کا
نقصان پہنچایا ہے ۔ اب خبر یہ ہے کہ شاہدرہ میں نواز شریف کی تصویر پر سیاہی پھینکنے والا ایک شخص لیگی کارکنوں نے رنگے ہاتھوں پکڑ لیا ہے ۔ پکڑے جانے کے بعد لیگی کارکنوں نے نواز شریف کی تصویر پر سیاہی پھینکنے والے شخص کی خوب درگت بنائی تاہم بعد ازاں اسے پولیس کے حوالے کر دیا گیا ہے ۔
