اسلام آباد (مانیٹرنگ ڈیسک) عائشہ گلالئی کے بعد 2 مزید پارٹی خواتین کو ہراساں کئے جانے کا انکشاف۔ تفصیلات کے مطابق پاکستان تحریک انصاف کے چیئرمین عمران خان نے بتایا کہ پارٹی میں 2 خواتین کی طرف سے ہراساں کئے جانے کی شکایت منظر عام پر آنے کے بعد فوری کاررروائی کی گئی۔ اس موقع پرچیئرمین تحریک انصاف کا کہنا تھا کہ پارٹی میں جب کبھی بھی کوئی ایسا معاملہ آیا تو اس پر انہوں نے فوری ایکشن لیا۔
انہوں نے کہا کہ پارٹی میں خواتین کے کو ایک خاص مقام حاصل ہے ۔ عائشہ گلالئی کے الزامات کے سوال پر انہوں نے کہا کہ وہ عائشہ گلالئی کے الزامات کا جواب دینے کے لئے کسی بھی شفاف فورم پر جانے کے لئے تیار ہیں۔ انہوںنے کہا کہ عائشہ کے الزامات میں کوئی صداقت نہیں اور یہ جھوٹ اور غلط بیانی پر مبنی ہیں۔
