راولپنڈی (آئی این پی)وفاقی وزیر ریلوے خواجہ سعد رفیق نے کہا ہے کہ کوئی ادارہ سازش نہیں کر رہا ، ہم نوازشریف کی نااہلی قبول نہیں کرتے ، پورا زور لگا لو نوازشریف آئے گا اور چھائے گا ، آئندہ وزیراعظم ہمارا ہو یا مخالفین کا مگر وہ اپنی آئینی مدت پوری کرے گا ۔ وہ بدھ کو راولپنڈی میں نوازشریف کی ریلی سے خطاب کر رہے تھے ۔انہوں نے کہا کہ نوازشریف آئے گا اور چھائے گا ، ہمارا مقصد پاکستان میں آئین کی حکمرانی کو لے کر آنا ہے ،
وزارت عظمیٰ نوازشریف کا ٹارگٹ پہلے بھی نہیں تھی اور نہ ہی اب ہے ۔خواجہ سعد رفیق نے کہا کہ نوازشریف کی پاکستان کیلئے تڑپ دیکھ کر ساتھ دیا ، نوازشریف جس پر ہاتھ رکھیں گے وہ وزیراعظم بن جائے گا ، ہمیں پاکستان میں آئین کی حکمرانی لے کر آنا ہے ، پہلے کہا تھا کہ منتخب وزیراعظم کو نکالنے کا یہ طریقہ غلط ہے ، لوگ جسے ووٹ دیتے ہیں اسے حکومت کا اختیار بھی ملنا چاہیے ۔
