اسلام آباد (مانیٹرنگ ڈیسک) مریم نواز نے کہا ہے کہ میں اپنے باپ کے قافلے میں شریک ہونا چاہتی تھی اور ان کے ساتھ لاہور جانے کی خواہش مند تھی، جس کیلئے میں نے اجازت چاہی تو مجھے حکم ملا کہ آپ ایک دن پہلے لاہور کیلئے روانہ ہو جائیں ، مریم نواز نے اپنے ٹوئٹ میں کہا ہے کہ میرے اصرار پر نواز شریف نے کہا کہ یہ باپ کا حکم ہے ، جس پر میں خاموش ہو گئی۔
قبل ازیں سابق وزیراعظم نواز شریف کی لاہور روانگی کیلئے نکلنے والی ریلی کے راستے میں آنیوالے مکانات اور دکانوں کے مالکان سے پولیس نے حلف نامے لے لیے ہیں۔حلف نامے میں اپنے مکان یا دکان کی چھت سے کسی کو شرارت نہیں کرنے دینے کی یقین دہانی مانگی گئی ہے۔حلف نامے میں ریلی کے راستے پر مشتبہ افراد کی نشاندہی کرنے کا کہا گیا ہے۔
