راولپنڈی (این این آئی)سابق وزیراعظم نواز شریف کی لاہور روانگی کیلئے نکلنے والی ریلی کے راستے میں آنیوالے مکانات اور دکانوں کے مالکان سے پولیس نے حلف نامے لے لیے ہیں۔حلف نامے میں اپنے مکان یا دکان کی چھت سے کسی کو شرارت نہیں کرنے دینے کی یقین دہانی مانگی گئی ہے۔حلف نامے میں ریلی کے راستے پر مشتبہ افراد کی نشاندہی کرنے کا کہا گیا ہے۔اپنے مکان یا دکان کوخلاف قانون استعمال کرنے کی اجازت نہ دیئے جا نے کا حلف لیا گیا ہے
جس کے بعدپولیس نے باقاعدہ سرٹیفکیٹ جاری کر دئیے ہیں۔دوسری جانب تازہ ترین اطلاعات کے مطابق وفاقی دارالحکومت اسلام آباد میں سابق وزیر اعظم محمد نواز شریف کی ریلی کی فضائی نگرانی کی جاتی رہی ۔ بد ھ کو سابق وزیر اعظم محمد نواز شریف پنجاب ہائوس سے لاہور روانہ ہوئے اس موقع پر سکیورٹی کے سخت انتہائی سخت انتظامات کئے گئے ۔وفاقی دارالحکومت اسلام آباد میں سابق وزیراعظم نواز شریف کی ریلی کی فضائی نگرانی کی جاتی رہی ۔
