سوات (نیوزڈیسک)عمران خان پر الزامات،عائشہ گلالئی کے بعد تحریک انصاف کی ایک اورخاتون رہنما نے سنگین دعویٰ کردیا، تفصیلات کے مطابق تحریک انصاف کی خاتون رہنمانادیہ شیر خان نے دعویٰ کیا ہے کہ ن لیگ کی جانب سے رابطہ کرکے مجھے عمران خان کیخلاف الزامات لگانے کیلئے اکسایا جا رہا ہے۔انہوں نے الزام عائد کیا کہ انہیں ن لیگ کی جانب سے خریدنے کی کوشش کی جا رہی ہے۔
تفصیلات بیان کرتے ہوئے نادیہ شیر نے دعویٰ کیا کہ انہیں ایک نامعلوم کال موصول ہوئی اور رابطہ کرنیوالے شخص نے اپنا تعلق ن لیگ سے ظاہر کرتے ہوئے انہیں پیش کش کی کہ اگر وہ بھی عائشہ کی طرح عمران خان پر الزامات عائد کریںگی تو انہیں مکمل سپورٹ فراہم کی جائے گی ، نادیہ شیر نے واقعے کی شدید مذمت کرتے ہوئے مخالفین کو انتباہ کیا کہ اس قسم کی کوششوں میں انہیں کامیابی نہیں ملے گی۔
