پشاور(این این آئی)عائشہ گلالئی کے خلاف نیب خیبرپختونخوا میں گلالئی کے سابق معاون نورزمان اور ساتھیوں نے درخواست جمع کرادی جس میں ترقیاتی منصوبوں میں ایک کروڑ سے زیادہ کمیشن لینے کا الزام عائد کیا گیا ہے نیب خیبرپختونخوا میں عائشہ گلالئی کے خلاف سابق معاون نورزمان اور دیگر ساتھیوں نے درخواست جمع کرادی درخواست میں موقف اخیتار کیا گیا ہے کہ رکن قومی اسمبلی عائشہ گلالئی نے ترقیاتی منصوبوں میں ایک کروڑ روپے سے زائد کمشن وصول کی ہے۔
میڈیا سے گفتگو کرتے ہوئے نور زمان کا کہنا تھا کہ نیب کے بعد احتساب کمیشن میں بھی درخواست جمع کرائی جائے گی ۔ انکا کہنا تھا کہ گلالئی کے ساتھ تین دفعہ پشاور میں گورنر ہاوس گئے ۔۔ نورزمان نے بتایا کے انہیں گیٹ پر چھوڑ دیا جاتا تھا اندر کی باتوں کا کوئی علم نہیں۔۔ میڈیاسے گفتگو کرتے ہوئے تحریک انصاف لکی مروت کے صدر سلیم مروت کا کہنا تھا کہ پہلے سے فرہم کردہ ثبوت کو بھی کافی قرار دیا گیاہے ،انہوں نے کہا امید ہے تمام ادارے خود مختارہے عائشہ گلالئی کو سزا ملے گی