اسلام آباد /کراچی(این این آئی)چیف میٹرولوجسٹ سردار سرفراز نے بتایا ہے کہ 19 جون کے بعد ملک میں پری مون سون بارشوں کا امکان ہے۔ایک انٹرویو میں انہوں نے بتایا کہ اس سال معمول سے زیادہ بارش ہونے کا امکان ہے۔چیف میٹرولوجسٹ سردار سرفراز نے کہا کہ اس عیدالاضحی کے موقع پر میدانی علاقوں میں بارش کا امکان نہیں ہے۔دوسری جانب محکمہ موسمیات کے مطابق کراچی میں آئندہ 24 گھنٹوں کے دوران موسم گرم اور مرطوب رہنے کا امکان ہے۔

محکمہ موسمیات کے مطابق کراچی میں آج کم سے کم درجہ حرارت 29 ڈگری سینٹی گریڈ ریکارڈ کیا گیا۔شہرِ قائد میں زیادہ سے زیادہ درجہ حرارت 37 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 72 فیصد ہے۔