اسلام آباد (آئی این پی) وزیر مملکت برائے توانائی عابد شیر علی نے کہا ہے کہ بلیک بیری عدالت میں لا کر دیا جائے، عمران خان کے کرتوت خراب ہیں، ایک نہیں ایک ہزار سکینڈل منظر عام پر آئیں گے، نواز شریف عوام کے دلوں کے وزیراعظم ہیں، عوام کی محبت کبھی کوئی ختم نہیں کر سکتا، ہم اپنی جے آئی ٹی کے پاس جا رہے ہیں، پی ٹی آئی اخلاقیات کمیٹی کو نہیں مانتی تو جے آئی ٹی میں کیا ان کے ماموں بیٹھے ہوئے تھے۔
وہ پیر کو پارلیمنٹ ہاؤس کے باہر میڈیا سے گفتگو کر رہے تھے۔ عابد شیر علی نے کہا کہ ریحام خان نے اپنی کتاب میں مراد سعید اور عون چوہدری پر جو الزامات لگائے ہیں عمران خان پہلے ان کا جواب دیں۔ انہوں نے کہا کہ نواز شریف عوام کے دلوں وزیراعظم ہیں، جی ٹی روڈ بھی نواز شریف کا ہے اور موٹروے بھی نواز شریف کا ہے، پی ٹی آئی اپنی جے آئی ٹی اور ہم اپنی جی آئی ٹی کے ساتھ میچ کھیلیں گے۔
