اسلام آباد(نیوزڈیسک) پاکستانی سرحد کے قریب واقع افغان صوبہ خوست میں احتجاجی مظاہرے کے دوران خودکش حملے میں کم ازکم 20افرادجاں بحق اور 50زخمی ہوگئے جنہیں ہسپتال منتقل کردیاگیا۔ غیرملکی میڈیا کے مطابق مظاہرین صوبائی حکومت میں مبینہ بدعنوانیوں کی وجہ سے خوست کے گورنر کو عہدے سے ہٹانے کے لیے احتجاج کررہے تھے کہ اس دوران خود کش بمبارمظاہرین میں داخل ہوگیااوراپنے آپ کو ا±ڑالیا۔زخمی ہونیوالوں میں افغان رکن پارلیمنٹ ہمایوں بھی شامل ہے۔ پولیس اور ہسپتال انتظامیہ کے مطابق زخمیوں میں سے کئی کی حالت نازک ہے۔ دریں اثناء صوبہ ہلمند میں سڑک کنارے نصب بم کے دھماکے میں صوبائی پولیس سربراہ ہلاک ہوگئے۔ وہ طالبان کے ایک حملے سے متاثرہ جگہ کے دورے پر جارہے تھے کہ ا±ن کی کار دھماکہ خیز مواد کا نشانہ بن گئی۔