اسلام آباد (مانیٹرنگ ڈیسک ) عمران خان نے کہا ہے کہ عائشہ احد کیس نئے وزیر اعظم کے لیے پہلا امتحان ہے ، کیا وہ حمزہ شہباز پر الزامات کی تحقیقات کے لئے بھی پارلیمانی کمیشن بنائیں گے ؟ یا شریفوں کے درباری رہیں گے ۔ عائشہ احد کے حمزہ شہباز پر سنگین الزامات پر عمران خان کا ردعمل سامنے آگیا ، چیئرمین تحریک انصاف نے اپنے ٹوئٹ میں کہا عائشہ احد کو سات سال سے انصاف نہیں مل رہا ، عمران خان یہ ٹوئٹ تحریک انصاف
کی خاتون رہنماؤں کے ساتھ عائشہ احد کی پریس کانفرنس کے بعد کیا ۔انہوں نے کہا عائشہ احد کیس نئے وزیر اعظم کے لیے پہلا امتحان ہے ، کیا وہ رکن قومی اسمبلی حمزہ شہباز پر الزامات کی تحقیقات کے لئے بھی پارلیمانی کمیشن بنائیں گے ؟ یا شریفوں کے درباری رہیں گے ؟ اور عائشہ احد کے الزامات کو نظر انداز کر دینگے ۔ عمران خان کا کہنا ہے کہ عائشہ احد اور ان کی اور بیٹی کی جان خطرے میں ہے ، انہیں شریف مافیا کے خلاف سکیورٹی دی جائے ۔
