اسلام آباد(مانیٹرنگ ڈیسک) عائشہ گلالئی کی وجہ سے وزیر قبیلے کے بدنامی ہوئی ہے، قبیلہ کا نام استعمال کر کے سب پختونوں کی ساکھ کو نقصان پہنچایا گیا، الزامات ثابت نہ کئے تو قبیلہ گھر کا گھیرائو کرے گا، گرینڈ وزیرستان جرگہ کے سربراہ کا پریس کانفرنس سے خطاب۔ تفصیلات کے مطابق گرینڈ وزیرستان جرگہ کے سربراہ ملک جلال خان وزیر، حاجی شامت خان،
حاجی لائر خان اور دیگر نے گزشتہ روز پشاور پریس کلب میں پریس کانفرنس سے خطاب کرتے ہوئے کہا کہ عائشہ گلا لئی کو اپنے الزامات ثابت کرنا ہونگے ، ان کی وجہ سے وزیر قبیلے سمیت پورے پختونوں کی ساکھ کو نقصان پہنچاہے۔عائشہ گلالئی اور ان کے والد شمس قیوم کو جواب دیناہوگاکہ انہوں نے کس کے ایماء اور کس کے ساتھ سودا کرکے ہمارے بے عزتی کی ہے انہوں نے الزام لگایاکہ عائشہ گلالئی کے ولد شمس قیوم پیسوں کیلئے کسی بھی حد تک جا سکتے ہیں انہوں نے کہا کہ عائشہ گلالئی کو ہمارے قبیلے کو بدنام کرنے کا حساب دینا ہوگااوراگرانہوں نے الزامات ثابت نہ کیے تو وزیرقبیلہ ان کے گھر کا گھیراؤکریگا۔ ملک جلال خان کا کہنا تھا کہ عائشہ گلا لئی اور ان کے والد کا وزیر قبائل سے کوئی تعلق نہیں اور نہ ہی ان کی وزیرستان میں کوئی جائیداد ہے، ہمارے قبیلے کا نام استعمال کر کے عمران خان پر الزام لگائے گئے ہیں اور اگر یہ الزام ثابت نہ کئے گئے تو عائشہ گلا لئی کے گھر کا گھیرائو کرینگے۔اگرانہوں نے الزامات ثابت نہ کیے تو وزیرقبیلہ ان کے گھر کا گھیراؤکریگا۔ ملک جلال خان کا کہنا تھا کہ عائشہ گلا لئی اور ان کے والد کا وزیر قبائل سے کوئی تعلق نہیں اور نہ ہی ان کی وزیرستان میں کوئی جائیداد ہے، ہمارے قبیلے کا نام استعمال کر کے عمران خان پر الزام لگائے گئے ہیں اور اگر یہ الزام ثابت نہ کئے گئے تو عائشہ گلا لئی کے گھر کا گھیرائو کرینگے۔
