اسلام آباد (مانیٹرنگ ڈیسک) تحریک انصاف چھوڑنے کی خبریں، علی محمد خان نے واضح اعلان کر دیا، تفصیلات کے مطابق پاکستان تحریک انصاف کے رکن قومی اسمبلی علی محمد خان نے میڈیا سے گفتگو کرتے ہوئے کہا کہ پاکستان سیاست دان نے بنایا اور آئین بھی سیاستدان نے دیا، ڈکٹیٹر ہمیشہ آئین کو روند کر آتا ہے، سابق صدر مشرف نے ملک میں دہشت گردی کا بیج بویا اور امریکہ کو اڈے دیے۔ انہوں نے کہا کہ مشرف نے نہ صرف پاکستان کے آئین

کی توہین کی بلکہ 22 کروڑ عوام کی بھی توہین کی، حکومت کرنا صرف سویلین کا کام ہے۔ پاکستان اور آئین بھی سیاست دان نے بنایا اور ملک کو سپر پاور بھی ایک سیاست دان نے بنایا۔ علی محمد خان نے کہا کہ پرویز مشرف کے دور میں دہشت گردی بڑھی اور عوام کو مہنگائی اور بے روزگاری کا تحفہ بھی دیا گیا۔ تحریک انصاف چھوڑنے سے متعلق خبروں کی سختی سے تردید کرتے ہوئے انہوں نے کہا کہ وہ تحریک انصاف کو چھوڑ کر کہیں نہیں جا رہے۔