اسلام آباد(این این آئی)اعجاز الحق نے کہا ہے کہ پاکستان تحریک انصاف کی سابق رکن قومی اسمبلی عائشہ گلالئی کو پہلے استعفیٰ دینا چاہیے تھا پھر الزامات لگانے چاہیے تھے ۔مسلم لیگ (ضیاء) کے سربراہ رکن قومی اسمبلی اعجاز الحق نے واضح کیا ہے کہ وزارت کی پیشکش کی گئی ہے اور نہ ہی وزیر بننے کی خواہش تھی‘ امید ہے کابینہ پہلے سے بہتر طورپر کام کریگی ۔

جمعہ کو  میڈیا سے گفتگو کرتے ہوئے انہوں نے کہا کہ حکومت کی جانب سے وزارت کی پیشکش نہیں کی گئی اور نہ ہی وزیر بننے کی خواہش تھی۔ توقع ہے کابینہ پہلے سے بہتر طور پر اپنا کام کرے گی۔  انہوں نے کہا کہ پاکستان تحریک انصاف کی سابق رکن قومی اسمبلی عائشہ گلالئی کو پہلے استعفیٰ دینا چاہیے تھا پھر الزامات لگانے چاہیے تھے لیکن کوشش یہ ہونی چاہیے کہ الزامات سے گریز کیا جائے اور پارٹی کے فورم پر بات کی جائے۔