پشاور(این این آئی) تحریک انصاف کے کارکنوں نے عائشہ گلالئی کے خلاف مقدمہ درج کرنے کیلئے درخواست دیدی۔پاکستان تحریک انصاف کے کارکنوں کا غصہ ٹھنڈا نہ ہو پایا۔ پشاور میں تحریک انصاف یوتھ کے کارکنوں نے عائشہ گلالئی کے خلاف پارٹی اور چئیرمین کے ساکھ کو نقصان پہنچانے کے خلاف ایف آئی آر کے لیے درخواست دے دی۔تحریک انصاف کے کارکنان نے عائشہ گلالئی کے خلاف آیف آئی درج کرانے کے لیے تھانہ حیات آباد میں درخواست دے دی ہے۔

درخواست میں موقف اختیار کیا گیا ہے کہ عائشہ گلالئی نے پارٹی کے خلاف جھوٹا پراپیگنڈہ کیااور پارٹی قائد کی تذلیل کی ہے۔ عائشہ گلالئی نے پارٹی کے ساکھ کو نقصان پہنچانے کی کوشش کی ہے۔ کارکنوں کی جانب سے عائشہ گلالئی کے خلاف یو ایس 4499اورپی پی سی 500کے تحت مقدمہ درج کرنے کی درخواست دی گئی ہے۔ اے ایس پی حیات آباد شعیب کا کہنا ہے کہ عائشہ گلالئی کے خلاف مقدمہ کے لیے درخواست موصول ہوگئی۔