لاہور ( این این آئی) لاہور کی مقامی عدالت نے رکن قومی اسمبلی عائشہ گلا لئی کے خلاف اندراج مقدمہ کی درخواست سماعت کے لئے منظور کرتے ہوئے تھانہ ماڈل ٹاؤن سے 8اگست کو تفصیلی رپورٹ طلب کر لی ۔ گزشتہ روز سیشن کورٹ میں ایڈیشنل سیشن جج رفاقت علی گوندل نے کیس کی سماعت کی ۔درخواست تنزیلہ خان نے سلیم چوہدری ایڈوکیٹ کی وساطت سے دائر کی
جس میں کہا گیا ہے کہ عائشہ گلا لئی نے پاکستان کی خواتین اور پاکستان کی سیاست سے منسلک خواتین کے تقدس کو بھی پامال کیا ہے ،عائشہ گلا لئی کے بیانات سے خواتین کے جذبات مجروح ہوے۔ لہٰذا معزز عدالت سے استدعا ہے کہ عائشہ گلا لئی کے خلاف مقدمہ درج کرکے انکوائری کا حکم دیا جائے ۔ جس پر عدالت نے درخواست کو سماعت کے لیے منظور کرتے ہوئے تھانہ ماڈل ٹاؤن سے 8اگست کو تفصیلی رپورٹ طلب کر لی ۔
