اسلام آباد(مانیٹرنگ ڈیسک ) آغاز کو انجام تک پہنچائیں گے، مودی کے یار کو ابھی کئی اور دھکے لگیں گے، عمران خان کی بابر اعوان سے ملاقات میں گفتگو۔ تفصیلات کے مطابق تحریک انصاف کے چیئرمین عمران خان سے پارٹی کے اہم رہنما بابر اعوان نے ان سے انکی رہائشی گاہ واقع بنی گالہ میں اہم ملاقات کی ہے۔ ملاقات کے دوران عائشہ گلا لئی کے عمران خان
پر عائد کئے جانے والے سنگین الزامات کے بعد پیدا ہونیوالی صورتحال پر بھی تبادلہ خیال کیا گیا ہے۔ اس موقع پر چیئرمین پی ٹی آئی کا کہنا تھا کہ پانامہ کیس سے احتساب کا آغاز ہو چکا ہے اور اس کو اس کے منطقی انجام تک پہنچائیں گے۔ ملک کو دیانتدار قیادت کے حوالے کرینگے، عمران خان کا کہنا تھا کہ مودی کے یار کو ابھی کئی اور دھکے لگنا باقی ہیں۔
