اسلام آباد(مانیٹرنگ ڈیسک) تحریک انصاف کی باغی خاتون رہنما اور پارٹی کے چیئرمین عمران خان پر بدکرداری کا الزام لگانے والی رکن قومی اسمبلی عائشہ گلا لئی کے خلاف سپریم کورٹ لاہور رجسٹری میں نااہلی کیلئے درخواست دائر۔ تفصیلات کے مطابق تحریک انصاف کی باغی خاتون رہنما اور پارٹی چیئرمین عمران خان پر بدکرداری کا الزام لگانے والی رکن قومی اسمبلی عائشہ گلا لئی کے خلاف شہری محمود اختر نے سپریم کورٹ لاہور رجسٹری
میں نااہلی کیلئے درخواست دائر کر دی ہے۔ درخواست گزار نے موقف اختیار کیا ہے کہ عائشہ گلالئی میڈیا پر عمران خان کے خلاف لگائے گئے الزامات کے حق میں کوئی ثبوت پیش کرنے میں ناکام رہیں، انہوں نے تحریک انصاف کے چیرمین کے خلاف نازیبا زبان استعمال کی اور جھوٹ پر مبنی بیانات دیے۔آرٹیکل 62،63 کے تحت صادق اور امین نہیں رہیں، لہذا عدالت سے استدعا ہے کہ انہیں قومی اسمبلی کی نشست سے تاحیات نااہل قرار دیا جائے۔
