اسلام آباد (این این آئی)تحریک انصاف چھوڑ نے والے خاتون رہنما عائشہ گلا لئی نے کہا ہے کہ مجھے عہدوں اور پیسوں کا لالچ نہیں ٗ صرف خواتین کی بھلائی کیلئے باتیں منظر عام پر لے کر آئی ہوں ۔نجی ٹی وی سے گفتگو کرتے ہوئے عائشہ گلالئی نے کہا کہ ایک انسان کیلئے سب سے زیادہ اہم عزت نفس ہے اور خاص کر خواتین کیلئے یہ بہت حساس موضوع ہے۔انہوں نے کہاکہ جو لوگ مجھے جانتے ہیں، ان کو پتہ ہے کہ نہ تو مجھے پیسے کا لالچ ہے اور نہ ہی عہدوں کا۔

عائشہ گلالئی نے کہا کہ میں صرف خواتین کی بھلائی کے لیے یہ باتیں منظر عام پر لے کر آئی۔دریں اثناء عائشہ گلالئی نے اعتراف کیا کہ این اے ون کے ٹکٹ کے حوالے سے پارٹی رہنماؤں سے گفتگو ہوئی تھی تاہم تحریک انصاف اس لئے نہیں چھوڑی کے مجھے این اے ون کا ٹکٹ نہیں دیاگیاانہوں نے کہا کہ تحریک انصاف چھوڑنے کی تمام وجوہات میں پہلے ہی منظر عام پر لاچکی ہوں۔