اسلام آباد (این این آئی)قومی اسمبلی میں قائد حزب اختلاف سید خورشید احمد شاہ نے اپنے حوالے سے منظر عام پر آنے والے اقامے کو جعلی اور بے بنیاد قرار دیتے ہوئے ایف آئی اے کے ذریعے تحقیقات کرانے کے لئے ڈائریکٹر جنرل ایف آئی اے کو خط لکھ دیا ہے۔ پیر کو ان کی طرف سے ڈائریکٹر
جنرل ایف آئی اے کو لکھے گئے خط میں کہا گیا ہے کہ ان کے حوالے سے متحدہ عرب امارات کا 17 مئی 2016ء کو جاری ہونے والا اقامہ جعلی ہے کیونکہ اس میں ان کو جاری کئے گئے پاسپورٹ کا نمبر درست نہیں ہے، اس لئے اس کی تحقیقات کر کے ذمہ داروں کا تعین کر کے انہیں اطلاع دی جائے۔
