حافظ آباد(آئی این پی)پنڈی بھٹیاں میں پی۔ٹی۔آئی کی خاتون رکن اسمبلی نگہت انتصار کے بھتیجے سمیت 5کارکنوں کے خلاف ہوائی فائرنگ کرنے کے الزام میں پولیس نے مقدمہ درج کرکے 3کو گرفتارکرلیا۔ تفصیلات کے مطابق پی ٹی آئی کے کارکنوں نے گذشتہ روز نواز شریف کی نااہلی کا فیصلہ آنے کی خوشی میں ریلی نکالی او ر اس موقع پر خاتون رکن اسمبلی نگہت انتصار کے بھتیجے عزم انصر بھٹی اور دیگر کارکنوں نے ہوائی فائرنگ بھی کی ۔
جس پر پنڈی بھٹیاں سٹی پولیس نے عزم انصر بھٹی سمیت پانچ کارکنوں کیخلاف مقدمہ درج کرکے تین ملزمان طارق جاوید، دلاور، اور حسنین ہنجرا کو گرفتارکرکے ان سے اسلحہ برآمد کرلیا۔ دوسری جانب پولیس ضلع بھر میں دفعہ 144کے نفاذ اور جلسے جلوسوں اوریلیوں پر پابندی کے باوجود مختلف سیاسی پارٹیوں کی جانب سے ریلیوں کو نہ روک سکی ہے۔
