اسلام آباد (آئی این پی) وزیراعظم ہاؤس میں سابق وزیراعظم میاں محمد نواز شریف کی زیر صدارت مسلم لیگ (ن) اوراس کی اتحادی جماعتوں کے مشترکہ اجلاس میں اتحادی جماعت کے سربراہ مولانا فضل الرحمان کی طرف سے موقع محل کے مطابق لطیفہ سنانے پر نواز شریف سمیت شرکاء اجلاس کے چہرے کھل اٹھے اور زور دار قہقہہ لگا، اس لطیفے کے بعد اجلاس کا سنجیدہ ماحول انتہائی خوشگوار ہو گیااورسنجیدہ ماحول ایک دوسرے کیلئے پرجوش نیک خواہشات و نیک جذبات کے اظہار میں تبدیل ہو گیا،
مولانا فضل الرحمان نواز شریف کے حق میں انتہائی جذباتی تھے، پنجاب ہاؤس میں پریس کانفرنس کے دوران سابق وزیر ریلوے خواجہ سعد رفیق نے مولانا فضل الرحمان کے نواز شریف اور دیگر رہنماؤں کو سنائے گئے لطیفے کے بارے میں بتایا کہ مولانا فضل الرحمان کا یہ لطیفہ ان جملوں پر ختم ہوا کہ’’کیا میاں صاحب تہاڈے نال اے پہلی وار ایسا ہویا ا ے‘‘ مولانا فضل الرحمان کی اس تسلی پر نواز شریف کے چہرے پررونق لوٹ آئی اور دیر تک مسکراتے رہے۔
