کراچی (مانیٹرنگ ڈیسک )سندھ حکومت نے معروف قوال امجد صابری قتل کیس فوجی عدالت میں بھیجنے کی منظوری دیدی ۔نجی ٹی وی کے مطابق سندھ حکومت نے امجد صابری قتل کیس کو فوجی عدالت میں چلانے اور کیس فوجی عدالت میں بھجوانے کی منظوری دیدی ، قتل کیس میں نامزد ملزم اسحاق بوبی اور عاصم کیپری کے
کیسز بھی فوجی عدالت میں بھیجے جائیں گے ۔ پولیس حکام کا کہنا ہے کہ سندھ حکومت کی منظوری کے بعد ایپکس کمیٹی سے منظوری لی جائے گی جس کے بعد کیس فوجی عدالت میں بھیجا جائے گا ۔واضح رہے کہ امجد صابری کوپچھلے سال رمضان کے مہینے میں حملے کا نشانہ بنایا گیا تھا جس میں وہ شہید ہو گئےتھے۔
