اسلام آباد(این این آئی)پاکستان مسلم لیگ (ن)کے رہنما حنیف عباسی نے کہا ہے عمران خان اور ان کی اے ٹی ایمز نااہل ہونے جا رہی ہیں ٗآرٹیکل 62 ہم پر نہیں ان پر لگتا ہے میں کبھی عدالت اورجیل سے نہیں بھاگا،مشرف دور میں بنائے گئے سب مقدمات کا سامنا کیا ۔میڈیا سے گفتگو کرتے ہوئے انہوں نے کہاکہ میراجینا مرنا اپنے لوگوں اور عوام کیلئے ہے ،عمران خان کی طرح نہیں صرف 8 گھنٹے جیل میں رہے تو چیخیں نکل گئیں ،
انہوں نے کہاکہ جہانگیر ترین کے کارناموں کی مکمل تحقیقات ہوں گی سب چیزیں سامنے آئینگی تو آپ قوم کے سامنے بے نقاب ہو جائیں گے ، انہوں نے کہاکہ سپریم کورٹ سے انصاف کی امید ہے عدالت کا ہر فیصلہ قبول کرینگے ان کا کہنا تھاوزیراعظم کے نام کی کوئی آفشور کمپنی نہیں ،ان کا کہنا تھا عمران خان نے یہودیوں اور ہندؤں سے پیسہ لیا ہے اتوار کو پریس کانفرنس میں مزید انکشافات کروں گا۔
