صنعاء(این این آئی)یمن میں سکیورٹی حکام نے ملک کے مشرقی صوبے حضرموت میں دو افراد کو گرفتار کرنے کا اعلان کیا ہے جن پر القاعدہ تنظیم کے ساتھ تعاون کا الزام ہے۔عرب ٹی وی کے مطابق مقامی سکیورٹی حکام نے بتایا کہ دونوں افراد احمد علی احمد برعود اور عبداللہ محمد علی الیزیدی کے نام قطر کا بائیکاٹ کرنے والے ممالک (سعودی عرب ، امارات ، بحرین اور مصر) کی جانب سے پیش کی جانے والی مطلوب افراد کی فہرست میں شامل ہے۔ یاد رہے کہ اعلان کردہ فہرست میں یمن سے تعلق رکھنے والے تین افراد اور تین اداروں کے نام موجود ہیں۔