اسلام آباد (این این آئی) وزیر مملکت برائے کیڈ ڈاکٹر طارق فضل چودھری نے کہا ہے کہ چیئرمین پی ٹی آئی عمران خان کی بنی گالا کی رہائشگاہ غیر قانونی ہے جو بغیر کسی نقشے کی اجازت کے بنائی گئی ہے۔ نجی ٹی وی سے گفتگو کرتے ہوئے انہوں نے کہا کہ عمران خان نے خود سپریم کورٹ کو بنی گالا میں غیر قانونی
تعمیرات کے حوالے سے خط لکھا جبکہ ان کا یہاں اپنا گھر بھی غیر قانونی نکلا ہے،ان کا گھر بغیر کسی نقشے کی اجازت کے تعمیر کیا گیا ہے ۔ انہوں نے کہا کہ سپریم کورٹ نے اب اس علاقے میں کسی بھی قسم کی تعمیرات سمیت بجلی و سوئی گیس کے کنکشنز پر پابندی عائد کر دی ہے۔
