لاہور(نیوز ڈیسک)پاکستان کرکٹ ٹیم جون میں سری لنکا کا دورہ کرے گی۔ دورے میں پاکستان اور میزبان ٹیم کے درمیان تین ٹیسٹ، پانچ ون ڈے اور دو ٹی ٹوئنٹی انٹرنیشنل کھیلے جائیں گے۔پاکستان اور سری لنکا کرکٹ بورڈ نے دورہ سری لنکا کے پروگرام کو حتمی شکل دے دی ہے۔ قومی ٹیم جون میں سری لنکا جائے گی۔ دورے میں تین ٹیسٹ، پانچ ون ڈے اور دو ٹی ٹوئنٹی انٹرنیشنل کھیلے جائیں گے۔ دورے کا آغاز ٹی ٹوئنٹی میچز سے ہوگا جو پندرہ اور سترہ جون کو کولمبو میں کھیلے جائیں گے۔گال انٹرنیشنل اسٹیڈیم چوبیس سے اٹھائیس جون تک پہلے ٹیسٹ کی میزبانی کرے گا۔ دو سے چھ جولائی تک دوسرا ٹیسٹ کولمبو میں کھیلا جائے گا۔ سیریز کا تیسرا اور آخری ٹیسٹ دس سے چودہ جولائی تک پالی کیلے میں شیڈول کیا گیا ہے۔پانچ میچوں پر مشتمل سیریز کا پہلا ون ڈے اٹھارہ جولائی کو دمبولا میں ہوگا۔ بائیس جولائی کو دوسرا اور پچیس جولائی کو تیسرا میچ پریماداسا اسٹیڈیم کولمبو میں کھیلا جائے گا۔ انتیس جولائی کو چوتھا ون ڈے ہمبن ٹوٹا میں ہوگا۔ سیریز کے آخری ون ڈے کا میزبان دو اگست کو پریماداسا اسٹیڈیم ہوگا۔