پشاور(آن لائن) قومی ادارہ صحت نے عید الضحیٰ پرکانگو وائرس پھیلنے کے خدشات ظاہر کردیئے ہیں اور کانگو وائرس کی روک تھام کے لئے حفاظتی اقدامات کرنے کی سفارشات چاروں صوبائی حکومتوں کوکردی ہے۔
قومی ادار ہ صحت اور وزارت بین الصوبائی رابطہ نے کانگو وائرس کے حوالے سے اجلاس بھی طلب کرلیا ہے مارچ سے مئی تک اور اگست سے اکتوبر تک کانگو وائرس کے زیادہ کیسز سامنے آئے ہیں جبکہ عید الضحیٰ پر جانوروں میں کانگو وائرس کے خطرات ظاہر کئے ہیں کانگو وائرس کے باعث پشاور ، ہزارہ ڈویژن ، بنوں ڈویژن ،ڈیرہ اسماعیل خان ڈویژن میں اب تک چودہ سے زائد افراد جاں بحق ہو چکے ہیں جبکہ بعض افغان مہاجرین بھی کانگو وائرس کے باعث ہلاک ہو چکے ہیں۔
