نیویارک (این این آئی)بالی ووڈ بار بی ڈول کترینہ کیف نے 16 جولائی کو اپنی 34 ویں سالگرہ نیویارک میں منائی۔کترینہ کیف آئیفا میں تو ایوارڈ حاصل کرنے میں ناکام رہیں، تاہم انہیں کئی مداحوں نے ان کی سالگرہ پر مبارکباد پیش کرکے کئی خوبصورت تحفے پیش کیے۔

نیویارک میں آئیفا ایوارڈز کی مصروفیات کے دوران انہوں نے سادگی سے سالگرہ منائی، تاہم انہیں اپنے قریبی دوست سلمان خان کے زیادہ قریب دیکھا گیا۔اس موقع پر بالی ووڈ بار بی ڈول کترینہ کیف نے کہا ہے کہ و ہ اپنی پسند کے بجائے فلم سازوں کی پسند کے مطابق کام کرتی ہیں، جس وجہ سے ان کا بینک بیلنس اچھا ہے۔ تین دن قبل ہی کترینہ کیف کی فلم ’جگا جاسوس‘ ریلیز ہوئی ہے، تاہم ان کی یہ فلم توقعات کے برعکس زیادہ کمائی کرنے میں ناکام ہوگئی۔کترینہ کیف کی آنے والی فلم’ ’ٹائیگر زندہ ہے‘‘ سلمان خان کے ساتھ آئے گی، ان کی یہ فلم ’ایک تھا ٹائیگر‘ کا سیکوئل ہے۔بالی و وڈ میں 2003 سے ’بوم‘ فلم سے کیریئر کی شروعات کرنے والی خوبرو کترینہ کیف کو انڈسٹری میں آئے ہوئے 14 برس بیت گئے۔گزشتہ ایک دہائی میں کترینہ کیف نے عامر خان، سلمان خان اور شاہ رخ خان سمیت بولی وڈ کے ٹاپ اسٹارز کے ساتھ فلموں میں کام کرکے خود کو بڑی اداکارہ کے طور پر منوایا۔ کترینہ کیف بولی وڈ میں سب سے زیادہ سلمان خان کے قریب ہیں، انہیں وہ اپنا کلوز فرینڈ مانتی ہیں،جب کہ سلمان خان بھی متعدد بار کہ چکے ہیں کہ کترینہ کیف سے ان کے روابط انتہائی قریبی ہیں۔