میلبورن:(نیوز ڈیسک) آئی سی سی کے صدر مصطفیٰ کمال کا کہنا ہے کہ بنگلا دیش پہنچ کر دنیا کو بتائوں گا کہ انٹرنیشنل کرکٹ کونسل میں کیا کچھ ہو رہا ہے۔ بنگلا دیش سے تعلق رکھنے والے آئی سی سی کے صدر مصطفیٰ کمال کا کہنا ہے کہ ورلڈ کپ فائنل کی ٹرافی فاتح کپتان کو دینا میرا آئینی حق ہے۔ ورلڈ کپ ٹرافی دینے کے حوالے سے میری حق تلفی کی گئی۔ واضح رہے کہ آئی سی سی نے ورلڈ کپ کے تقسیم انعامات کی تقریب میں اپنے ہی صدر کو سائڈ لائن کر دیا تھا جس کے باعث مصفطیٰ کمال آسٹریلیا اور نیوزی لینڈ کے درمیان ہونے والا فائنل مکمل ہونے سے قبل ہی گرائوند سے چلے گئے تھے جبکہ اس سے قبل انہوں نے بھارت اور بنگلا دیش کے درمیان ہونے والے میچ میں ایمپائرنگ کو بھی سخت تنقید کا نشانہ بنایا تھا۔ –