کراچی(این این آئی)پاکستانی مردوں سے شادی کرنے والی متعدد بھارتی خواتین اپنے ہی ملک میں شہریت سے محروم کردی گئیں۔بھارتی اخبارٹائمز آف انڈیا کی رپورٹ کے مطابق متعدد بھارتی خواتین پاکستانی شہریوں سے شادی کرنے کے سبب غیر یقینی صورتحال کا شکار ہوگئی ہیں کیوں کہ رخصت ہوکر پاکستان آنے پر ان کی بھارتی شہریت منسوخ ہوگئی تھی،

رپورٹ میں بھارت کے سرکاری اعداد و شمار کا حوالہ دیتے ہوئے کہا گیا ہے کہ بھارتی شہریت کی 180درخواستوں میں سے صرف 70 پر عمل کرکے شہریت دی گئی ہے جب کہ 110کیس اب بھی تاخیر کا شکار ہیں۔واضح رہے کہ معروف بھارتی ٹینس سٹار ثانیہ مرزا بھی پاکستانی کرکٹر شعیب ملک کی اہلیہ ہیں اور بھارتی حکومت کی جانب سے کئے جانیوالے نئے اقدامات کے بعد اب دیکھنا یہ ہے کہ ثانیہ مرزا جیسی نامور شخصیات کی شہریت کے بارے میں کیا فیصلہ کیاجاتاہے ۔