اسلام آباد (مانیٹرنگ ڈیسک) سرفراز احمد اور ویرات کوہلی، پاک بھارت کرکٹ ٹیموں کے کپتانوں کی ماہانہ تنخواہ کتنی ہے؟ تفصیلات کے مطابق پاکستانی کھلاڑیوں اور بھارت کے کھلاڑیوں کے ماہانہ معاوضے میں دوگنا فرق ہے، پاکستان کرکٹ بورڈ نے گزشتہ روز کھلاڑیوں کے لیے نئے سینٹرل کنٹریکٹس کا اعلان کیا گیا، اس کے مطابق اے کیٹیگری میں شامل کھلاڑیوں کو ساڑھے 6 لاکھ ماہانہ ملیں گے،
اس کے مقابلے میں بھارتی کرکٹ بورڈ ٹاپ کیٹیگری کے کھلاڑیوں کو ساڑھے 16 لاکھ روپے سے زائد ماہانہ دیتا ہے۔ اس طرح دونوں ملکوں کے کپتانوں کے سالانہ معاوضوں کا جائزہ لیا جائے تو پاکستانی کپتان سرفراز کو 78 لاکھ سالانہ ملیں گے اور اس کے مقابلے میں بھارتی کپتان کو 2 کروڑ روپے سالانہ ملیں گے۔ اس طرح دونوں ملکوں کے کھلاڑیوں کے معاوضے میں زمین آسمان کا فرق ہے۔
