لاہور ( این این آئی) پاکستان کرکٹ بورڈ کے بورڈ آف گورنرز کے لیے پی سی بی ایگزیکٹیو کمیٹی کے چیئرمین نجم سیٹھی کی نامزدگی کی منظوری دے دی گئی۔اس کے ساتھ ہی آدم جی انشورنس اور کے ایس بی پمپز انڈسٹریز کے سی ای او عارف اعجاز کے نام کی بھی منظوری دے گئی۔نجی ٹی وی کے مطابق وزیراعظم ہاؤس سے جاری ہونے والے اعلامیے کے مطابق وزیراعظم نواز شریف نے پی سی بی کے بورڈ آف گورنرز کے لیے نجم عزیز سٹیھی اور عارف اعجاز کے ناموں کی منظوری دے دی۔
دونوں نامزدگیوں کی مدت کا آغاز 6اگست 2017ء سے ہوگا۔نجم سیھٹی پاکستان سپرلیگ کے چیئرمین کے طور پر خدمات انجام دیتے رہے ہیں۔واضح رہے کہ رواں ماہ کے آخر میں پی سی بی کے بورڈ کے اجلاس میں نئے چیئرمین کا انتخاب کیا جائے گا، موجودہ چیئرمین شہریار خان اگست 2017ء کے وسط میں اپنی 3سالہ مدت مکمل کرلیں گے۔
