بیجنگ (آئی این پی)بالی وڈ میں مسٹر پرفیکٹ کے نام سے معروف عامر خان کی فلم ’دنگل‘ کا دنیا بھر میں تاحال بزنس جاری ہے۔دنگل فلم کو جو شہرت بھارت کے حریف ملک چین میں حاصل ہوئی، اتنی شہرت تو اس فلم کو خود ہندوستان میں بھی نہیں ملی۔
دنگل کی کہانی سے جہاں چینی صدر اور اداکار متاثر نظر آئے، وہیں چینی عوام نے بھی دل کھول کر عامر خان کی تعریف کی۔دنگل کی کامیابی کی وجہ سے ہی عامر خان کے چینی سوشل ویب سائٹ ویبو پر بھارتی وزیر اعظم نریندر مودی سے زیادہ فین ہیں، جب کہ چینی مداحوں نے ان کا نام مسٹر پرفیکٹشنسٹ کی بجائے ’انکل خان‘ رکھ دیا ہے۔
